Kryeministri Edi Rama u përpoq të sfumonte emigrim masiv të shqiptarëve, siç e tregojnë raportet e ndryshme, gjatë një intervistë televizive këtë të Hënë.
Rama tha se nga të gjitha vendet e Ballkanit dhe Europës Lindore ka emigracion. Ai shtoi se njerëzit lëvizin për një jetë më të mirë, që sipas tij e duan sot. Po ashtu, shtoi se shqiptarët e kanë karakteristikë lëvizjen.
Një krahasim bëri me një shtetet më të zhvilluara siç është Norvegjia, duke deklaruar se edhe nga ky vend ka pasur largime të qytetarëve në fillimet e shekullit të XX.
“30 vjet mbi gomone shqiptare? Janë në të drejtën e tyre të lëviznin me një jetë më të mirë që e duan sot dhe s’duan ta presin deri nesër. As në shqipërimi, as në ndonjë vend të Ballkanit dhe asnjë vend të komunizmit s’mund të arrihet dot Gjermania, Anglia, Franca, Norvegjia, Suedia. Ne na takon ta përmirësojnë çdo ditë jetën në vend dhe ta bëjnë Shqipërinë më te jetueshme. Por s’imagjinohet që Shqipëria të behet vendi ku të gjithë duhet të kthehen. Por kjo s’mund të bëhet sot”, tha Rama.
“Norvegjia, tha kreu i qeverisë, në një periudhë të parë të shekullin e 20 pati të njëjtin trend, një ikje masive, sot janë sheikët e Europës”.
Kryeministri shtoi se “e vetmja gjë që të kthehen janë të kesh një gjë ekstra”, duke shtuar se shpreson që analizat e naftës së gjetur në Shpirag të jenë të tilla në mënyrë që të komericalizohet dhe nëse ndodh sipas tij, kjo mund të sjellë rritje të konsiderueshme të pagave e pensioneve.
Ai mohoi se kemi të bëjmë me shpopullim. “Ka një lëvizje të shqiptarëve në një fazë të caktuar të historisë. Ka qenë një popull që ka lëvizur shumë kur nuk u detyruan të rrinin mbyllur, është në natyrën e shqiptarëve që duan të çajnë botën”, tha Rama.
