Policia e Kosovës ka kapur mbi 3 kilogramë substancë narkotike të llojit marihuanë, në pikën kufitare ‘Qafa e Prushit’, në hyrje nga Shqipëria për në Kosovë.
Droga është kapur rreth orës 13:30, ku është ndaluar një automjet i tipit ‘VË Passat’ me targa lokale.
Automjetin e drejtonte një person me inicialet A.F., i shoqëruar nga dy pasagjerë, të tre nga Gjakova.
“Gjatë kontrollimit të detajuar në bashkëpunim me zyrtarët doganor, në bagazhin e automjetit, saktësisht tek vendi i gomës rezervë është gjetur një thes i bardhë, brenda të cilit ishte e mbështjellë një qese/thes i zi, që dyshohet të jetë i mbushur me substancë narkotike-Marihuan me sasi të përgjithshme: 3.452 gram”, ka bërë të ditur Policia.
Rasti në fjalë, së bashku me personat e dyshuar i janë dorëzuar Njësisë së Antidrogës në Gjakovë për procedurë të mëtutjeshme.
