Akademiku Artan Fuga ka ironizuar deklaratat e Baton Haxhiut lidhur me ambasadoren amerikane në vendin tonë, lidhur me një intervistë televizive të Yuri Kim.
Teksa i referohet deklaratave të tij në një studio televizive, Fuga shprehet: Me pataksën këto deklarata!
“Kam bindjen se të tilla pozicione nuk janë mbajtur nga ndonjë gazetar qysh kur është botuar Fjamuri i Arbërit dhe thuajse 150 vjet më pas”, shton ai.
Reagimi
Në një postim në FB, Artan Fuga shkruan:
Gazztari!
Mbrëmë a parëmbrëmë, kush e mban mend, në një kanal televiziv, gjatë një bisede në studio, një gazetar, a analist, a opinionist, a nuk e di shumë se çfarë është saktësisht, sepse është hera e parë që kam rastin ta ndjek, tha se për shkak të përvojës, dhe kontakteve që ka krijuar në këto dekada e kishin konsultuar për të marrë edhe mendimin e tij se do të ndryshohet ambasadori amerikan në Shqipëri. Tha ai ikën zonja Kim dhe vjen dikush tjetër në dhjetor!
Ouuuuu!
E paskan konsultuar atë për t’i marrë mendim???
E paparë!!!
Nuk u kuptua mirë se përse i paskëshin kërkuar mendim? A ta lëviznin nga detyra apo jo zonjën, a kishte punuar mirë apo jo, apo se cilin të sillnin ambasador në vend të saj? Apo për çfarë tjetër?
Më tej vazhdoi se këtë e dinte me siguri, dhe ishte një punë e mbyllur!
Uaaaaaaaa!
Jo vetëm e paskan konsultuar, kuptohet se në çfarë niveli, por si duket e paskan autorizuar që edhe ta bëjë publik informacionin, madje edhe të thotë se e kanë konsultuar atë!
Oiiiiiiiiiiiii !
Dhe se ai gjykon se zonja Kim paska patur rrëshkitje të mëdha te intervista me z. Fevziu, duke ndryshuar të gjitha qëndrimet që ajo paska mbajtur më parë dhe se pak a shumë, se nuk e mbaj mend saktësisht, paska anatemuar krejt Shqipërinë, shoqërinë shqiptare!
Dhe si duket e ka bërë me titull personal! Nga xhepi i saj me një fjalë!
Uuuuuuuuu !
Dhe bashkëbiseduesit e shihnin me nderim! Nuk kishin faj. Nuk bisedohet kollaj me dikë që ka këto informacione :))
Oooooooo!
Me pataksën këto deklarata! Kam bindjen se të tilla pozicione nuk janë mbajtur nga ndonjë gazetar qysh kur është botuar Fjamuri i Arbërit dhe thuajse 150 vjet më pas!
Hajde gazztari hajde!
Kam qysh mbrëmë fërkoj sytë, ushtroj presion me pëllëmbë mbi veshët, bëj gargarë, mos jam në ëndërr?
Gjigande!
Mbamëni se po bie! Nuk ka manual informimi masiv që e përmban!
Mundet, mundet
