Policia e Kavajës ka arrestuar një adoleshent 17-vjeçar me iniciale F.S, i cili dyshohet se pas një sherri banal ka goditur me thikë dy shtetas duke i lënë të plagosur.
Dy personat e plagosur, me inicialet T.V dhe M.SH janë dërguar në spital për të marrë ndihmën e duhur mjekësore.
“Më datë 30.09.2022, në Kavajë, në lagjen nr. 5, shtetasi F. S., 17 vjeç, dyshohet se gjatë një konflikti për motive të dobëta ka goditur me mjet prerës shtetasin T. V., 25 vjeç dhe me sende të forta shtetasin M. Sh., 16 vjeç, të cilët ndodhen në spital, për ndihmë mjeksore”, njofton policia.
Ndërkohë, policia ka kryer shoqërimin e autorit në komisariat, aty ku do të sqarojnë të gjitha rrethanat e ngjarjes, që la pas dy persona të plagosur.
