Shkëlzen Berisha ka kurorëzuar sot lidhjen e tij 10-vjeçare me blogeren Armina Mevlani. Ceremonia po zhvillohet në një lokal në zonën e Shijakut me rreth 300 të ftuar.
Siç e kërkon edhe tradita, babai i dhëndrit, Sali Berisha, ka marrë fjalën në nisje të ceremonisë për të mikpritur të ftuarit dhe për të çelur dasmën si dhe ka ngritur dolli.
“Të dashur Armina dhe Shkëlzen! Dasmat, fjalime nuk duan ndaj dhe unë shkurt dua të them vetëm dy fjalë. Uroj nga zemra Arminën dhe Shkëlzenin, të cilët kurorëzojnë dashurinë dhe miqësinë e tyre disa vjeçare, sonte në këtë ceremoni, në këtë dasmë, me miqtë dhe të afërmit e tyre” – tha Berisha.
