Shorti zgjodhi sërish Arta Mandron për anëtare të Këshillit të Lartë të Prokurorisë. Përzgjedhja e Mandros u bë me short dhe gogla u tërhoq nga Gazmend Bardhi.
Edhe në raundin e tretë të nënkomisionit, opozita dhe mazhoranca nuk gjetën dakordësi për asnjë prej katër kandidatëve.
Kandidatura do t’i kalojë Kuvendit për votim, por edhe nëse nuk merr 84 votat e nevojshme, ashtu siç e parashikon ligji, do të emërohet anëtare e KLP.
Katër kandidatët ishin: Arta Mandro, Florian Bjanku, Juliana Bylykbashi, Kreshnik Myftari.
Një ditë më parë, në seancën plenare, Kuvendi rrëzoi kandidaturën e Arta Mandros, e cila mori vetëm 71 vota.
