Një sipërfaqe 4950m2 tokë truall është sekuestruar në Ksamil dhe një person është arrestuar për falsifikim të dokumenteve në bashkëpunim. Ai akuzohet se e ka përfituar tokën përmes falsifikimit të dokumenteve.
“Ditën e sotme, më datë 22.09.2022, në kuadër të veprimeve hetimore të kryera nga Prokuroria pranë Gjykatës së Shkallës së Parë Sarandë, është arrestuar shtetasi Skënder Omeri, i dyshuar për veprën penale parashikuar nga neni 186/2 i K.Penal. Sipas të dhënave të deritanishme, ka dyshime se ky shtetas ka falsifikuar dokumentat e pronësisë për përfitimin në mënyrë të padrejtë të një sipërfaqe toke prej 4950 m2, ndodhur në Kasmil, Sarandë”, njofton prokuroria e Sarandës.
Në lidhje me këtë pasuri, organi i akuzës ka kërkuar sekuestron preventive, e cila është pranuar me vendim gjyqësor nga Gjykata e Rrethit Gjyqësor Sarandë.
