Një 34-vjeçare shqiptare e cila jetonte në Heraklion të Kretës, është zgjuar e tmerruar pasi pa një burrë që i qëndronte sipër.
Sipas mediave greke, 34-vjeçarja po flinte në dhomën e saj të gjumit, kur papritur ndjeu se dikush i mbylli krahët rreth qafës.
Kur u zgjua ka njohur ish-bashkëshortin e saj 41-vjeçar. Ai kishte thyer derën e ballkonit të shtëpisë dhe ka hyrë si hajdut në dhomën e gjumit dhe ka kapur për qafe gruan.
34-vjeçarja ka shpëtuar nga duart dhe ka nisur të bërtasë. Ajo ja doli të lajmëronte policinë dhe më pas 41-vjeçari është arrestuar dhe do të dërgohet në prokurori.
