Detaje të reja janë zbuluar nga mediat italiane për organizatën kriminale shqiptare që akuzohet për trafik kokaine në Peru. Në këtë operacion u kap një nga krerët e Ndraghetas, Pasquale Bifulco dhe shqiptari Kadri Gjoci 28-vjeç.
Ndërkohë ditën e sotme, mediat peruane kanë publikuar dhe fotot e shqiptarëve në kërkim të cilët janë filmuar gjatë takimeve me kreun peruan ‘Tyson’ dhe me italianin ‘Bifulco’. Shqiptari Robert Suloti është shpallur në kërkim për kokainën, së bashku me shqiptarin tjetër i identifikuar si Mamo Espitare.
Një tjetër shqiptar i filmuar ka qenë edhe Kadri Gjoci, i kapur nga kamerat në një qendër tregtare. Gjoci, ishte rreshtuar krah një prej trafikanteve më të njohur të “Ndragheta” në botë, Pasquale Bifulco. Ai është kapur nga autoritetet peruane në një vilë luksoze.
Në këtë rezidencë në Casuarinas, kishte lulishte të mëdha, një pishinë, një palestër dhe komoditete të ndryshme. Policia ishte në kërkim të një subjekti që njihet me pseudonimin “Tyson” për shkak të ngjashmërisë fizike me boksierin e famshëm amerikan.
Kush është Kadri Gjoci?
Kadri Gjoci, 28 vjeçarin nga Bureli nuk e njihte askush në Shqipëri, por do të duhej një operacion i madh i autoriteteve peruane , DEA-n amerikane, Guardia Di Finanza italiane dhe policisë gjermane që të mësonim se ai ishte një “kokë e madhe”në trafikun ndërkombëtarë të kokainës.
I rreshtuar krah një prej trafikanteve më të njohur të “Ndragheta” në botë, Pasquale Bifulco dhe pjesë e“Cártel de Los Balcanes”, Gjoci ose siç e thërrisnin në rrethet e trafikantëve “Taysoni” bënte një jetë marramendëse luksi sipas medieve peruane.
I riu shqiptar në momentin e arrestimit pas një operacioni ku u kap plot 3 ton kokainë, është kapur nga autoritetet peruane në një super vilë luksoze.
Në këtë rezidencë në Casuarinas, kishte lulishte të mëdha, një pishinë, një palestër dhe komoditete të ndryshme. Policia ishte në kërkim të një subjekti që njihet me pseudonimin “Tyson” për shkak të ngjashmërisë fizike me boksierin e famshëm amerikan.
Vetëm 28 vjeç, jeta prej “sheiku” në Peru e KadriMediat peruane theksojnë se ju dha një goditje e rëndë mafiozëve italianë dhe shqiptarë të drogës, duke sekuestruar afro 3 ton kokainë që në Evropë supozohet të kapë vlerën e mbi 133 milionë dollarëve.
I riu shqiptar dhe miku i tij italian kishin marrë përsipër të dërgonin drogën në Europë, përmes portit të Callaos dhe italiani njihej me pseudonimin ‘Spaghetti’, ndërsa Gjoci me pseudonimet “Gianmarco” dhe “Tyson”, kjo për shkak të ngjashmërisë fizike me boksierin e famshëm amerikan.
Ndërkohë që në rrjetën e hetuesve përfunduan edhe pesë peruan dhe një turko-gjerman
Mësohet se kalimi drogës bëhej përmes kompanive që eksportojnë kafe dhe asparagus si lëndë të parë, ndërsa karteli shqiptaro-italian e ktheu Limën në qendrën e koordinimit dhe ruajtjes së kokainës që vinte nga Vraem.
