Detaje të reja janë publikuar nga plani për eliminimin fizik të kryeministrit të Kosovës, në vitin 2021.
Është publikuar mbrëmjen e sotme fotoja e personit i cili dyshohet se do të kryente ekzekutimin e kryeministrit të Kosovës, Albin Kurti. Gazetarja Klodiana Lala bëri me dije se shtetasi që shikoni në foton më poshtë është i skeduar për vrasje në Kurbin, Elbasan dhe Lezhë.
“I skeduar në Lezhë për vrasjen e një ish oficeri policie dhe në Kurbin për një tjetër vrasje, në një dosje penale në Elbasan, po të dalin të dhënat mbi personin imagjinon ç’ndodh me hetimet, Minohen hetime të tëra, i bëj thirrje të gjithë kolegëve të publikojnë të dhënat e dokumentet me interes për publikun. jo ato që nxisin konflikte sociale dhe ndihmojnë vrasës të shpëtojnë”, tha Klodiana Lala.
Njësia Kundër Terrorizmit në Kosovë ishte ajo që zbuloi të dhënat e një përpjekje të fshehtë për të vrarë Albin Kurtin. Sipas të dhënave personi që do të kryente qitjen ishte nga Shqipëria dhe përveç Kurtit në shënjestër ishin edhe dy të tjerë. Kështu rezulton në një dokument të bërë publik, këtë të hënë, nga hakerat, i cili dyshohet se është marrë nga emaili i Drejtorit të Përgjithshëm të Policisë së Shtetit në vitin 2021, Gledis Nano.
