Policia ka shkatërruar një grup kriminal në Bolonja të Italisë i cili akuzohej për tregtimin e sasive të mëdha të drogës dhe për pastrim parash.
Mediat vendase raportojnë se katër persona kanë rënë në pranga të cilët dyshohet se i përkasin një grupi kriminal shqiptar, të specializuar për shitjen e kokainës dhe mariuanës.
Mësohet se bashkë me katër personat është arrestuar një grua shqiptare dhe një nga Peruja të akuzuara për pastrim parash.
Një urdhër ndalimi është lëshuar edhe për kreun e kësaj organizate, për të cilin raportohet se është dënuar me 11 vite e 6 muaj burg. Në pranga ka rënë krahu i tij i djathtë një 55-vjeçar me origjinë nga Maqedonia e Veriut.
Gjatë hetimeve dhe kontrolleve u sekuestruan 79,000 euro para të gatshme, të fshehura në makinë gati për të lundruar drejt Shqipërisë ku pritej nga drejtuesit e organizatës. Dhe u gjetën 34 kg marijuanë, në nje tjetër makinë në Modena si dhe tre kg kokainë në një automjet tjetër në Reggio Emilia.
