Shtatë persona kanë vdekur dhe tre të tjerë janë zhdukur në provincën e Ankonës nga përmbytjet e mëdha që kanë pushtuar Italinë.
Mediat vendase raportojnë se katër persona kanë ndërruar jetë në Ostra, një në Senigallia, një në Trecastelli dhe një në Barbara, ndërsa në mesin e personave të zhdukur është dhe një fëmijë.
Dita e djeshme ka qenë një tmerr edhe për banorët në provincën e Pesaros dhe Urbinos. Mediat vendase raportojnë që një djalë 8-vjeçar i cili ndodhej bashkë me nënën në makinë është zhdukur.
Nëna kishte djalin në krahë kur kishte arritur të dilte nga makina por më pas është marrë sërish para nga uji. Zjarrfikësit arritën të shpëtonin nënën por nga djali për momentin nuk ka asnjë gjurmë.
Autoritetet kanë bërë thirrje që njerëzit të mos dalin por të qëndrojnë në shtëpi.
