Një 39-vjeçar është arrestuar këtë të Premte, pasi mbante me vete armë zjarri pa leje dhe një sasi lënde narkotike kokainë.
Uniformat blu bëjnë me dije se gjatë kontrollit në çantën e shtetasi J. M., është gjetur një armë zjarri pistoletë, një silenciator, një krehër, municion luftarak dhe një lënde të dyshuar narkotike kokainë
“Shërbimet e Komisariatit të Policisë Nr. 6, në bashkëpunim me Forcën e Posaçme “Shqiponja”, bazuar dhe në informacionet e marra në rrugë operative se në rrugën dytësore Tiranë-Durrës, lëvizte një shtetas i armatosur, kanë organizuar punën dhe kanë finalizuar me sukses operacionin policor të koduar “Ekol”. U bë kapja dhe arrestimi në flagrancë i shtetasit: J. M., 39 vjeç, banues në Tiranë, për veprën penale “Mbajtja pa leje dhe prodhimi i armëve, armëve shpërthyese dhe i municionit” dhe “Prodhimi dhe shitja e narkotikëve”, njofton policia.
Materialet i kaluan Prokurorisë, për veprime të mëtejshme procedurale.
