Kuvendi i Shqipërisë ka vendosur që pikën 6 dhe 7 të rendit të ditës ta shtyjnë për një tjetër seancë plenare. Në fjalën e tij, kryetari i grupit parlamentar të Partisë Socialiste, Taulant Balla kërkoi që të votohej në një tjetër moment zgjedhja e Albert Mingës si anëtar të Këshillit Drejtues të Radiotelevizionit Shqiptar dhe zgjedhja e Edmond Tullumanit si anëtar të Këshillit Drejtues të Radiotelevizionit Shqiptar. Dakort ra edhe Enkelejd Alibeaj, kryetari i grupit parlamentar të PD.
Pika që u hoqën nga rendi i ditës
6. Projektvendim “Për zgjedhjen e Z.Albert Minga anëtar të Këshillit Drejtues të Radiotelevizionit
Shqiptar”. (Neni 78 i Kushtetutës, ligjit 97/2013 “Për mediat audiovizive në RSH”, i ndryshuar””, nenet 55, 60 dhe 111 Rregullore Kuvendi, shumicë e thjeshtë votash për miratim, votim i fshehtë)
7. Projektvendim “Për zgjedhjen e Z.Edmond Tullumani anëtar të Këshillit Drejtues të Radiotelevizionit Shqiptar”. (Neni 78 i Kushtetutës, ligjit 97/2013 “Për mediat audiovizive në RSH”, i ndryshuar””, nenet 55, 60 dhe 111 Rregullore Kuvendi, shumicë e thjeshtë votash për miratim, votim i fshehtë)
