Bayerni i Mynihut fitoi në fushë por Muller humbi jashtë saj. Gjatë ndeshjes kundër Barcelonës të luajtur të martën më mbrëmje, kapiteni i skuadrës bavareze nuk ishte në dijeni që në shtëpinë e tij kishin hyrë hajdutë profesionistë.
Lajmin e bën të ditur gazeta “Bild” që thekson se janë vjedhur sende dhe para me vlerë rreth 500 mijë euro. Policia nuk ka dhënë detaje por mediat janë të sigurta se bëhet fjalë për banesën e Thomas Muller në lokalitetin Otterfing që ndodhet në jug të Mynihut.
Policia ka nisur menjëherë hetimet por nuk ka asnjë gjurmë pasi hajdutët janë larguar me shpejtësi pa lënë pas asnëj provë.
