Vendimi i qeverisë për konfiskimin e ndërtimeve apo shtesave pa leje është një amnisti e madhe penale dhe një nga aktet e paligjshme në historinë e Shqipërisë. Sipas vendimit qeveria do të konfiskojë ndërtimet pa leje përmes një marrëveshje blerje me 1 euro nga ndërtuesit pastaj Këshilli Kombëtar i Territorit do të legalizojë shtesën apo ndërtimin duke nxjerrë lejen përkatëse.
Gjatë një statusi në “Facebook”, gazetari Klodian Tomorri shkruan se VKM për konfiskimin e ndërtimeve pa leje shkel ligjin dhe në këtë mënyrë “drejtuesit e IKMT, Këshilli Kombëtar i Territorit dhe Agjencia Shtetërore e Kadastrës, shndërrohen në institucione kriminale”.
“Institucioni që konstaton ndërtimin apo shtesën pa leje është IKMT, i cili pastaj nis procedurat për konfiskimin dhe legalizimin e objektit në KKT. Ne asnjë rast vendimi i qeverisë nuk i ngarkon detyre IKMT, apo cdo institucioni tjetër shtetëror të bëjë kallëzimin penal në prokurori.
Shikoni tani. Nga nesër me ligj, drejtuesit e IKMT, Këshilli Kombëtar i Territorit, Agjencia Shtetërore e Kadastrës, shndërrohen në institucione kriminale. Neni 300 i Kodit Penal thotë:
“Moskallëzimi në organet e ndjekjes penale, në gjykatë, në organet e rendit publik, të pushtetit ose të administratës, i një krimi që është duke u kryer apo që është kryer, dënohet me gjobë ose me burgim gjer në tre vjet.”
Guxim të madh kanë. Firmosni firmosni, bëhuni kamikazë. Ndoshta sot nuk ju prek njeri, por pas 3 vitesh janë zgjedhjet dhe nuk dihet si shkon puna. Tani i takon opozitës t’u thotë të gjithë këtyre me sipër qe nuk do te amnistohen, por do te shkojnë të gjithë para ligjit. Edhe zyrtaret, edhe ndërtuesit që kaene shkelur ligjin. Thojeni, thojeni publikisht”, shkruan Tomorri.
