Pas një vendimi të qeverisë për të sekuestruar ndërtimet pa leje, disa ditë më parë ministri i Brendshëm Bledi Çuçi njoftoi konfiskimin e një sipërfaqeje prej 1200 m² shtesa kati në një kompleks ndërtimi në Farkë në pronësi të kompanisë së Pëllumb Salillarit.
Në këtë mënyrë Çuçi përmbushi “urdhrin” propagandues të kryeministrit Edi Rama, por në realitet situata është krejt ndryshe pasi në këtë objekt vijon puna pa u ndërprerë. Siç mund ta shikoni në videon më poshtë të publikuar nga “Boldnews.al” në këtë pallat pa u shqetësuar nga askush, makineri të tonazhit të rëndë po hedhin betonin. Gjithashtu në kantierin e ndërtimit të këtij pallati në pronësi të Salillarit ka shumë punëtorë të cilët po vazhdojnë ndërtimin e godinës.
Shirita e policisë nuk u panë të vendoseshin në ndërtimin pa leje të Salliarit, ndërsa puna në këtë kantier ndërtimi vijon këtë të hënë paradite, të pa shqetësuar nga aktorë të jashtëm, si policia, drejtues të IKMT apo ministra.
Mesa duket, kapja në paligjshmëri e ka motivuar Salliarin, i cilësuar si një ndër oligarkët më të dashur për udhëheqësin e vendit Edi Rama, që të vijojë ta lartësojë godinën.
