Një anije dyshohet se është përplasur me një balenë në Zelandën e Re. Nga përplasja, policia njofton se kanë ndërruar jetë pesë persona.
Ngjarja ka ndodhur të Shtunën në Goose Bay pranë qytetit të Kaikōura në ishullin jugor.
Po të njejtët njoftuan se në bordin e varkës 8.5 metra, ishin njëmbëdhjetë persona. Gjashtë persona u shpëtuan dhe pesë trupa u gjetën nga brenda anijes nga zhytësit e policisë.
Craig Mackle, kryebashkiaku i Kaikōura, i tha transmetuesit kombëtar RNZ se besohej se varka u përplas me një balenë. Policia tha se ka pasur një përplasje, por ende nuk është përcaktuar shkaku i saj.
Besohet se grupi, i cili kishte ardhur nga e gjithë Zelanda e Re, ishte në një varkë që i përkiste një biznesi lokal peshkimi. Policia po punon për identifikimin e viktimave.
