Konfiskimi i 1200 mijë metra katrorë pa leje që u ndërtua nga Pëllumb Salillari në Farkë, është komentuar nga ish-ministri i Drejtësisë, Ylli Manjani.
Manjani me anë të një postimi në Fb, ka kujtuar dënimin me 3 vite burg të këngëtarit Bojken Lako, i cili pasi hapi një dritare pa leje u dënua me tre vite burg.
“Një minut, një minut se kërcet shumë llogjika. Për një rihapje dritare në një magazinë pa lidhje, Bojken Lakon, Erion Veliaj e çoi në gjyq penal dhe e dënuan 3 vjet. Pa lidhje fare sepse një leje e kishte marrë gjithsesi. Po të panë me matrapik apo edhe një trapan duke hapur një vrimë në mur në shtëpinë tënde, të vijnë në derë 30 policë bashkie dhe të gjithë inspektoriatet e shtetit” shkruan Manjani.
Ai vazhdon me tej duke thënë se dritaren shteti e vuri re, kurse pallatin nuk e shikon.
“Tani ky Erion Veliaj nuk paska parë mijëra m² ndërtime PA LEJE në Tiranë?! Si kështu, nuk ka asnjë faj ky?! Si ka mundësi?! Bashkia informohet për çdo vrimë muri brenda shtëpive dhe nuk sheh metrat katrorë që ndërtohen hapur fare?! Po qeveria, tani i pa?! Me kë tallen këta plehra të pariciklueshme?! Ptu, palaço!,”-shkruan ai, duke theksuar kontradiktat.
