Deputeti i Partisë Demokratike, Ervin Salianji ka reaguar pas operacionit të nisur nga qeveria për ndërtimet pa leje.
Salianji shkruan në Facebook se synimi i Ramës nuk është ligjshmëria, por legalizimi për oligarkët, ndërsa qytetarëve të thjeshtë u tregon burgun.
Për ndërtimet pa leje, gjatë vitit 2021, thekson Salianji, janë proceduar penalisht 1757 qytetarë, duke rrezikuar burgun, ndërsa mijëra të tjerë janë detyruar të paguajnë ryshfet.
Ndërsa oligarkët e qeverisë, vëren Salianji, nuk janë proceduar asnjë.
“A është qartësisht legalizim i pallateve dhe kateve pa leje aksioni i tanishëm i qeverisë me kohë të pjesshme?”.
Reagimi
Burg për qytetarët, legalizim për oligarkët!
Bashkëfshatarëve të tij ashtu si dhe çdo qytetari në Republikë i turren taksidarët e Edi Ramës, për t’iu marrë ryshfet në çdo rast, qoftë kur kanë ndërruar çatinë, kur suvatojnë shtëpitë, rregullojnë oborret, apo kur riparojnë stallat. Policët dhe ndërtimorët e Ramës shkojnë tek qytetarët më shpejt se ustallarët që do bëjnë ndërtimet ndërkohë që pallatet e oligarkëve kanë mbirë kudo pa leje, në zonat më të lakmuara të Shqipërisë! Nëse nuk paguajnë qytetarët përballen me prishjen e ndërtimeve dhe me gjobë ndërkohë që oligarkët me përkedhelje, opsione dhe legalizim! Mijëra qytetarë ankohen për këtë sistem, mijëra të tjerë kanë përfunuar në burgje dhe janë përballur me prokuroritë dhe gjykatat! Sipas raportit të Prokurorisë së Përgjithshme, për vitin 2021, 1757 qytetarë janë proceduar penalisht për këtë vepër duke riskuar burgun! 8383 qytetarë janë përballur ne prokurori dhe gjykata gjatë mandatit të fundit të Ramës, mijëra qytetarë të tjerë janë detyruar për ryshfet! Po oligarkët e qeverisë pse nuk janë proçeduar? A është qartësisht legalizim i pallateve dhe kateve pa leje aksioni i tanishëm i qeverisë me kohë të pjesshme?
