Kadri Gjoci, 28 vjeçarin nga Bureli nuk e njihte askush në Shqipëri, por do të duhej një operacion i madh i autoriteteve peruane , DEA-n amerikane, Guardia Di Finanza italiane dhe policisë gjermane që të mësonim se ai ishte një “kokë e madhe”në trafikun ndërkombëtarë të kokainës.
I rreshtuar krah një prej trafikanteve më të njohur të “Ndragheta” në botë, Pasquale Bifulco dhe pjesë e“Cártel de Los Balcanes”, Gjoci ose siç e thërrisnin në rrethet e trafikantëve “Taysoni” bënte një jetë marramendëse luksi sipas medieve peruane.
I riu shqiptar në momentin e arrestimit pas një operacioni ku u kap plot 3 ton kokainë, është kapur nga autoritetet peruane në një super vilë luksoze.
Në këtë rezidencë në Casuarinas, kishte lulishte të mëdha, një pishinë, një palestër dhe komoditete të ndryshme. Policia ishte në kërkim të një subjekti që njihet me pseudonimin “Tyson” për shkak të ngjashmërisë fizike me boksierin e famshëm amerikan.
Por ky Tayson, ai i trafikut të drogës, dha një lloj tjetër goditjeje. Sipas Policisë, ai ishte furnizuesi i drogës i organizatës shqiptare dhe italiane që dominon trafikun e paligjshëm të hidroklorurit të kokainës drejt Europës.
Policia peruane ka mundur ta kapë pikërisht Kadri Gjocin, shtetas shqiptar i cili i përket kartelit famëkeq “Cártel de Los Balcanes”. Arrestimi i tij ndodhi pikërisht në godinën luksoze në Surquillo. Aty pranë, në Miraflores, agjentët e Dirandro ndërhynë duke arrestuar Pasquale Bifulcon, italiani i cili është pjesë e mafies së rrezikshme “Ndrangheta”, e famshme për kontrollin e 80% të trafikut të kokainës në Europë.
Ky operacion u krye nga agjentët e Divizionit të Hetimeve Speciale të Dirandro, Divinesp. Por Pasquale Bifulco është një i njohur i vjetër në Peru.
Operacioni antidrogë “Poseidon” që është zhvilluar dy ditë më parë nga autoritetet në Peru, në bashkëpunim me DEA-n amerikane, Guardia Di Finanza italiane dhe policinë gjermane duket të jetë më i madh në përmasa sesa ishte raportuar fillimisht.
Mediat vendase kanë zbardhur detaje të reja nga goditja që iu bë linjës së trafikut ndërkombëtar të kokainës Peru-Europë, ku në rrjetë ra edhe 28-vjeçari shqiptar, i cilësuar si një nga krerët e grupit, Kadri Cjoci.
Ai u arrestua së bashku me biznesmenin italian Pasquale Bifulco, 49 vjeç, i cili është një nga eksponentët kryesor të ‘Ndrangheta’s kalabreze dhe që i përket bandës mafioze Ietto-Cua-Pipicella.
Në detajet e reja që janë publikuar, rezulton se emri i sakti i shqiptarit të vënë në pranga është Kadri Gjoci, me vendlindje të regjistruar në Rrëshen.
Mediat peruane theksojnë se ju dha një goditje e rëndë mafiozëve italianë dhe shqiptarë të drogës, duke sekuestruar afro 3 ton kokainë që në Evropë supozohet të kapë vlerën e mbi 133 milionë dollarëve.
I riu shqiptar dhe miku i tij italian kishin marrë përsipër të dërgonin drogën në Europë, përmes portit të Callaos dhe italiani njihej me pseudonimin ‘Spaghetti’, ndërsa Gjoci me pseudonimet “Gianmarco” dhe “Tyson”, kjo për shkak të ngjashmërisë fizike me boksierin e famshëm amerikan.
Ndërkohë që në rrjetën e hetuesve përfunduan edhe pesë peruan dhe një turko-gjerman.
Mësohet se kalimi drogës bëhej përmes kompanive që eksportojnë kafe dhe asparagus si lëndë të parë, ndërsa karteli shqiptaro-italian e ktheu Limën në qendrën e koordinimit dhe ruajtjes së kokainës që vinte nga Vraem.
