Kryetari i PD-së, Sali Berisha, tha nga Shkodra këtë të Premte se Edi Rama po jep me koncesion edhe policinë.
“Tani policinë e dhanë me koncesion te baronët e drogës. Kushdo prej tyre merr repart police”, tha Berisha duke iu referuar një vendimi të fundit të Këshillit të Ministrit.
Ai u ndal edhe te çështje e ndërtimeve pa leje dhe nisma e re e qeverisë për konfiskimin e tyre, që parashikon po ashtu se ndërtuesit mund t’i blejnë ato me një çmim të indeksuar mbi çmimin real të tregut.
“Ka filluar tani betejën me katet. Njeriu që kontrollon7 gjithçka, në një pikë të vendimit thotë, ai që do të blejë katet shtesë, le t’i blejë. Kjo është licencë për trafikantët e drogës që të blejnë katet shtesë, pasi të ndërtohen. Trafikantët kanë katet e pallateve si shoping kryesor. Nuk blejnë apartamente ata, blejnë kate. Shqipëria ka ndërtuesin më të lartë të ndërtimit dhe ka çmimet e treta më të larta në Europë. Lumenjtë e drogës blejnë katet. Ky u hap rrugën këtyre për të blerë katet, se nuk lahen ndryshe paratë. Ky nxjerr Pasaportën e Artë dhe bën amnistinë fiskale për të pastruar paratë dhe falimentuar bizneset e ndershme në Shkodër dhe mbarë Shqipërinë,” tha Berisha.
