Një aksident i rëndë ka ndodhur mbrëmjen e djeshme në zonën e Polichnitos në Lesvos të Greqisë. Aksidenti i ka marrë jetën një 43-vjeçari shqiptar.
Sipas Protothemës, 43-vjeçari ishte duke ecur me shpejtësi të madhe me makinën e tij. Si pasojë e shpejtësis ai ka humbur kontrollin dhe makina ka dalë nga rruga duke u përplasur fortë me një pemë.
Përplasja ka qenë aq e madhe sa pema është futur deri në sediljet e pasme të makinës.
Në vendngjarje kanë shkuar forcat zjarrfikëse dhe kanë nxjerrë 43-vjeçarin pa ndjenja, më pas ai u dërgua në Qendrën Shëndetësore të Polichnitos, ku zyrtarisht u konstatua i vdekur, raportojnë të njejtat burime.
Trupi i tij më pas është dërguar në Spitalin e Mitilinës ku do të kryhet autopsia.
