Kryeministri Edi Rama dhe Ministrja e Shëndetësisë dhe Mbrojtjes Sociale, Ogerta Manastirliu kanë inspektuar punimet që po kryhen në Spitalin Infektiv.
Manastirliu, cituar nga zyra e shtypit e ministrisë së Shëndetësisë, tha se spitali tanimë kthehet në një qendër ekselence dhe reference për sëmundjet infektive.
“Jemi drejt përfundimit të punimeve, të rehabilitimit të Spitalit Infektiv. Tashmë jemi në 70% të punimeve dhe rreth datës 15 tetor shpresojmë që të përfundojmë së bashku me mobilimin dhe pajisjet. Pra ta kemi funksional Spitalin Infektiv që tashmë kthehet në një qendër të vërtetë ekselence dhe reference për të gjithë sëmundjet infektive”, tha Manastirliu.
Ajo shtoi se ky është një investim për 30 vitet e ardhshme,
Sipas MSH-së, investimi kap vlerën e 5.6 milion eurove.
