Një atentat me armë zjarri i mbetur në tentativë ndaj dy efektivëve të policisë, ka tronditur qytetin e Vlorës mbrëmjen e sotme.
Burime kanë konfirmuar se një prej efektivëve është Nako Mehmetaj, nga qyteti i Vlorës por me detyrë në Policinë Kufitare të Sarandës, ndërsa efektivi tjetër me detyrë punonjës i Patrullës së Përgjithshme në Komisariatin e Policisë Vlorë, është shtetasi Anxhelo Breshani.
Mësohet se ndaj dy policëve është qëlluar në lëvizje e sipër, ndërkohë që në vendin e ngjarjes janë gjetur pesë gëzhoja.
Në momentin e ngjarjes, punonjësit e Policë kanë qenë jashtë shërbimit, duke udhëtuar me automjet privat.
Burime bëjnë me punonjësit e policisë ktheheshin nga palestra, sipas të dhënave paraprake nuk njihen me personat që i kanë qëlluar.
Ngjarja dyshohet të ketë ndodhur si pasojë e një situate të krijuar rishtaz pas një parakalimi.
Policia është duke vijuar hetimet për identifikimin e personave që kanë qenë duke udhëtuar në automjetin e atentatorit.
