Një 27-vjeçar është arrestuar nga policia e Durrësit pasi akuzohet se ka ngacmuar seksualisht një vajzë të mitur.
“Specialistët për Hetimin e Krimeve të Komisariatit të Policisë Durrës arrestuan në flagrancë për veprën penale ‘Ngacmimi seksual’, shtetasin J.B., 27 vjeç, banues në Durrës, pasi dyshohet se ka ngacmuar seksualisht një shtetase të mitur”, njoftoi policia.
Materialet i kaluan Prokurorisë, për hetime të mëtejshme në lidhje me rastin, shtuan të njëjtat burime.
