Kryeministri Edi Rama u shpreh nga panairi i verërave në Beograd se janë rritur eksportet me Serbinë.
Gjatë fjalës së tij, Rama nënvizoi se “Ballkani i Hapur” është një nismë në interes të njerëzve.
“Sot këtu janë 22 prodhues nga Shqipëria. Jam i sigurt që ky panair, do ta spostojmë nga një kryeqytet në tjetrin do të nxisë edhe plot të tjerë që të përfshihen në këtë aktivitet. Sot kemi një vëllim tregtar mes tre vendeve tona, i cili është nga afro 60 mln në afro 100 mln. 36 mln euro më shumë se 1 vit më parë. Eksportet shqiptare me Serbinë janë rritur vitin e fundit afro 30%. Po kështu edhe me RMV afro 30%. Të gjitha këto të dhëna na shtojmë që të çojnë përpara këtë nismë që nuk është një nismë e jona, por është një nismë për njerëzit, për ata që prodhojnë që eksportojnë”, u shpreh Rama nga panairi “Vizioni i Verës”.
Mëngjesin e sotëm, kryeministiri Edi Rama mbërritI në Beograd ku po mbahet Panairi i Verës që është titulluar “Vizioni i Verës” që është organizuar nga Shqipëria, Serbia dhe Maqedonia e Veriut në kuadër të nismës së Ballkanit të Hapur.
Në këtë panair është i pranishëm edhe presidenti serb Aleksandër Vuçiç dhe kryeministri në detyrë të Malit të Zi, Dritan Abazoviç.
