I tensionuar dhe me shenja nervozimi e paqartësie autori i krimit të dysfishtë në Tiranë, Arsen Muskurti ka dhënë dëshminë e tij para hetusve të policisë.
Sipas babait të 7 femijëve vëllai i tij Dritan Muskurti dhe bashkëshortja e këtij të fundit Nora Muskurti e sulmonin dhe bullizonin vazhdimisht.
Madje sipas tij ata kishin hapur një adresa në rrjetin social FB ku e tallen me foto të ndryshme. Vëllai i autorit së bashku me gruan e tij i është drejtuar gjykatës për tu pajisur me urdhër mbrojtjeje nga autori i ngjarjes, seancë e cila do të zhvillohej me datën 6 shtator në gjykatën e Tiranës.
Vrasja mësohet se ka ndodhur menjëherë pasi Arsen Muskurti kishte marrë fletë thirrjen e gjykatës. Sipas policisë, dyshohet si shkak i konfliktit mes vëllezërve është biznesi i përbashkët afër Rrugës së Kavajës.
Arseni i cili njihet edhe me emrin Hamza ka treguar se përmes agjencisë turistike qe ishte në pronësi të vëllait të tij dhe kunatës bënin udhëtime të besimtarëve drejt vendeve islamike të cilët shkelinin ligjin dhe normat e fesë.
Burimet thanë se akuzat me të rënda autori i vrasjes së dyfishtë i kishte për kunatën tij Norën.
Nga hetimet rezulton se autori i krimit ishte martuar 3 herë e ndërsa ketë fakt ai e ka arsyetuar se është normale pasi kjo jetesë është miratuar edhe nga bashkëshortja e tij e parë që rezulton të jëtë celebruar.
Në hetimet për këtë çështje është bashkuar edhe antiterrori, për shkak të disa postimeve që autori bëntë në rrjetet sociale.
Për këtë arsye telefoni i tij është sekuestruar dhe po kqyret nga hetuesit.
Ndaj të arrestuarit rëndojnë 2 akuza “Vrasja në rrethana cilësuese” kundër dy ose më shumë personave dhe “Mbajtja pa leje dhe prodhimi i armëve, armëve shpërthyese dhe i municionit”.
Pas arrestimit të tij në zonën e rrugës “5 Maji” policia kontrolloi banesën ku u gjet edhe arma e krimit.
Çifti i bashkëshortëve Muskurti kanë lënë jetim 3 fëmijë të mitur mes të cilëve një djalë dhe 2 vajza.
/Ora News/
