Partia Demokratike kundërshton idenë e prezantuar sot në kryeministri për të rihapur kompanitë e basteve në Shqipëri.
Në një deklaratë, anëtari i kryesisë së PD, Ivi Kaso u shpreh se me këtë lëvizje, Rama nuk tregon gjë tjetër veçse hipokrizi dhe mungesë qëndrimi konsistent për këtë çështje.
Sipas Kasos, kjo lëvizje tregon edhe një herë që Rama e kaloi licencën për bastet në pronësi familjare.
“Pas nëntë vitesh në pushtet, Edi Rama me ‘klanin e babëzisë’ kthehen në vendin e krimit me këngën e një avazi të ri. Sot thonë: Bastet janë të mira. Të kthehen bastet. Rrofshin bastet. Partia Demokratike e neverit qëndrimin hipokrit, haluçinanat dhe hajdutëror të Edi Ramës. Kur ai bën, njëherë si gardian i familjes dhe vlerve të saj, dhe një herë si ‘kampion i ideve liberale’, nuk është as njëra as tjetra. Sot i kishte mbeldhur të gjithë vasalët në një dëgjesë turpi, për të bërë, asgjë më shumë se dhënien e licencës Olsit të familjes. Figurantët e sotshëm, dhe ai bashkë me ta, nuk janë më shumë se bastexhinj të punëve dhe fateve të Shqipërisë në zyrat e shtetit që i dinë skuta kumari”, theksoi Kaso.
