Milani është ndalur në një barazim 0-0 në sfidën e ditës së sotme përballë Sasuolos, në një sfidë që mund të kishte përfunduar dhe ndryshe për kuqezinjtë nëse nuk do të ishte për penalltinë e pritur nga portieri Majk Menja.
Në përfundim të sfidës ka folur dhe tekniku i kuqezinjve, Stefano Pioli, i cili ka komentuar paraqitjen e skuadrës duke theksuar se në derbin ndaj Interit do të jetë një paraqitje komplet tjetër.
“Sot na mungoi qartësia, e nisëm mirë, por më pas Sasuolo u mbrojt shumë dhe nuk kishte hapësira të lira. Ishim shumë statik në fushë kishte pak lëvizshmëri nga ana e skuadrës.
Djemtë e dinë se ku kanë gabuar. Ndaj Interit do të shihni një Milan tjetër. I njohim mirë zikaltrit, ata kanë një mënyrë loje të ndryshme nga ajo që kishte Sasuolo. Do të përgatitemi në mënyrën më të mirë të mundshme”, u shpreh Pioli.
