Ish-kryeministri Sali Berisha atakoi qeverinë Rama për situatën ekonomike në vend.
Gjatë një takimi me përfaqësues të biznesit të vogël Berisha deklaroi se që nga viti 2013 dhe deri sot është 4-fishuar varfëria ekstreme. Sipas tij familjet që jetojnë me 1 dollarë në ditë kanë shkuar nga 15 mijë në qeverisjen e tij në mbi 50 mijë sot.
Berisha: Është jashtë çdo dyshimi se problem themelor me të cilin përballen shqiptarët është varfërimi i frikshëm në rritje, kjo është gjëja më evidente. Këtë e trgojnë në mënyrë të pamohueshme të gjithë treguesit që masin varfërinë. Nëse 2013 ne ishim vendi me pagat më të larta në rajon sot jemi vendi me pagat me të ulta. Nëse në 12013 ne kishim 1.03 varfëri ekstreme kjo është 4-fishuar. Këta janë shqiptarë që marrin më pak se 1 dollarë në ditë. Ky është mjerimi, varfëria ekstreme. Ishin 15 mijë familje sot janë mbi 50 mijë familje.
Varfëria në termin e sotëm prek 47 % të shqipatërëve. Dëshmi e kësaj rrokullisjeje janë falimentimet e bizneseve. Në këto vite kanë falimentuarv 6 mijë 7 mijë biznese. Janë borxhet e opafundme të familjeve shqiptare.
