“KÇK” (kap ça të kapësh), një frazë e përdorur nga kryeministri Edi Rama, është sjellë si shembull nga mazhoranca në një projektligj për të përshkruar gjyqtarët dhe prokurorët e pavetuar që “abuzojnë me pushtetin e drejtësisë”.
Lidhur me këtë, një reagim në rrjetet sociale ka bërë gazetari Klodian Tomorri, i cili shprehet se ministri i Drejësisë Ulsi Manja po bën ligje si doktoratura e tij.
Në shënimin e titulluar “Shteti si tallava”, gazetari shkruan: “Ulsiu ben projektligj per te pezulluar prokuroret dhe gjyqtaret qe nuk i jane nenshtruar vettingut, kur vendimarrjet e tyre rezultojne problematike etj erj. Shikoni cfare shkruan ne relacionin zyrtar te projektligjit. Ky ligj behet per te luftuar fenomenin KCK. Tek teza e tij e doktoratures, Ministri i Drejtesise shkruante se shume mami e nxjerrin femijen cyryk. Tani po ben ligjet e shtetit si puna e doktoratures”.
Dikush, vijon ai, duhet t‘i thajë ministrit të Drejtësisë se shteti nuk është mejhane dhe ligjet nuk janë doktoratura bakalli.
“Ne dokumentet zyrtare te shtetit nuk shkruhen zhargone qe perdoren tek qoftet. Jo cdo mufke qe keput Sulltani shkruhet ne dekret, o Ulsi. Do na shkruani ndonje dite: “na plasi ….” ne ndonje ligj, keshtu si e keni nisur”, përfundon gazetari.
