Shqiptarët kanë gjetur një tjetër mundësi për të ikur drejt Britanisë së Madhe, por jo duke kaluar nga kanali i ‘La Manche’. Britanikja ‘The Telegraph’ ka publikuar një artikull në të cilin thuhet se tashmë shqiptarët po ikin drejt Britanisë së Madhe nga Irlanda. Sipas ‘The Telegraph’ kjo mundësi po shfrytëzohet nga shqiptarët për shkak të kontrolleve të buta kufitare mes Irlandës dhe Britanisë së Madhe.
Ky rrugëtim nga Irlanda në Britani të Madhe bëhet me taksi dhe sipas medias britanike bëhet me taksi dhe u kushton emigrantëve me pak para. ‘The Telegraph’ shkruan se shqiptarët po punojnë me bandat kriminale irlandeze për t’i marrë emigrantët në Dublin me pasaporta të rreme nga vendet e BE-së dhe më pas u sigurojnë kalimin në Britaninë e Madhe me taksi.
Rruga me taksi kushton rreth 2500 paund për person, ndërsa duhet të paguajnë rreth 300-400 paund të tjera për letërnjoftimet false të blera në Shqipëri. Nga ana tjetër, kalimi përmes kanalit të ‘La Manche’ me gomone kushton nga 5.000 deri në 5.500 paund.
Një organizator i bandës i tha një gazetari se udhëtimet drejt Britanisë së Madhe organizohen pothuajse çdo ditë dhe rrugëtimi është 100% i sigurt.
“Duhet të shkoni në Dublin. Ne kemi çmimin prej 2500 £ nga Dublini në Angli. Është 100 për qind i sigurt. Duhet të merrni një ID false evropiane që të mund të shkoni lehtësisht në Dublin,” tha ai.
Nëse emigrantët shqiptarë ndalohen nga policia, bandat i këshillojnë që të kërkojnë azil në Iralndë dhe më pas ata iu sigurojnë kalimin në Britani të Madhe.
“Për 12 orë do të të lënë të lirë. Më pas mbërrin taksia dhe mund të shkoni menjëherë në Angli”, tha organizatori i bandës.
Një zëdhënës i NCA tha: “Krimi i Organizuar i Emigracionit është një kërcënim kronik, shkalla dhe kompleksiteti i të cilit evoluon gjatë gjithë kohës. NCA punon për të synuar dhe penguar dëmin më të madh të grupeve të krimit të organizuar në çdo fazë të aktivitetit të tyre.
“Ne gjithashtu punojmë me partnerë, duke përfshirë zbatimin e imigracionit, policinë dhe zbatimin e ligjit jashtë shtetit, për të mbështetur hetimet e tyre.”
Zyrtarët e Home Office dhe NCA do të takohen të martën me policinë e lartë shqiptare për të diskutuar planet për të përshpejtuar deportimin e shqiptarëve që hyjnë ilegalisht në MB. Ministria e Mbrojtjes (MM) zbuloi se 915 emigrantë arritën në Mbretërinë e Bashkuar të shtunën, duke e çuar totalin në më shumë se 25.000, dyfishi i normës së vitit të kaluar. Zyrtarët e Home Office thonë se rreth 50-60% e të ardhurve janë shqiptarë.
Kontrabandistët shqiptarë e publikojnë njoftimin për t’i dërguar emigrantët shqiptarë në Britani të Madhe, në rrejtin social TikTok me hashtag @dublinengland.
Njëri me foton e një taksie mburret: “Irlandë-Anglia 100 për qind e sigurt. Nuk ka nevojë të kalosh doganën me taksi private.”
Një tjetër me një foto të ngjashme pohoi: “Nga Irlanda në Angli çdo ditë me taksi private. Çmim i mirë.”
I pyetur për itinerarin, një anëtar i bandës shpjegoi se “nuk kishte nevojë të paguante për një pasaportë false, vetëm një ID të BE-së. Në Shqipëri e gjeni për 300-400 euro.”
I pyetur për shoferët e taksive, ai tha: “Ata janë nga Irlanda. Ata i njohin njerëzit që punojnë në tragete. Ata paguhen gjithashtu. Unë kam shumë vite që punoj me këta irlandezë. Askush nuk do t’ju shqetësojë. Vetëm shkoni në Dublin.
“Për dy persona në një taksi, ne mund ta bëjmë çmimin 4,000 £. Vetëm sigurohuni që kartat tuaja të identifikimit të mos dallohen që janë false.”
NCA tha se po përdorte “kompetencat e saj të plota” për të kufizuar veprimet e bandave që transportojnë emigrantë.
