Ish-deputeti Lefter Maliqi i quan qesharake akuzat ndaj Ilir Metës, që sollën çeljen e një hetimi nga SPAK. Maliqi u shpreh se Rama po bën presion ndaj SPAK-ut, ndërsa shtoi se Rama e di shumë mirë se “Berisha-Meta” e rrëzojnë nga qeveria.
“E njoh mirë Metën. Akuzat janë farsë e radhës. Rama është manjak pushteti. Thotë se do jem si Putin e Erdogan. Ky shenjtan budalla luajti aq bukur dhe tani po komandon me krimin. Por populli e ka kuptuar se ky njeri nuk e ka mendjen tek Shqipëria. Janë rritur çmimet ndërsa pagat janë që në kohën e Sali Berishës”, u shpreh Maliqi.
Pse ndodhi tani hetimi? Maliqi e ka një shpjegim: “Se lindi opozita. Sali Berisha është sa për 100 Lulë. Nuk është më Monika dhe Ilir Meta është krejt ndryshe. Rama e di shumë mirë që bashkimi Rama-Meta e rrëzon”, tha Maliqi në një intervistë për “Ora News”.
“Ilir Meta e Berisha ia dinë dobësitë Ramës, po Meta ka natyrën impulsive dhe do të vrasë dy zogj me një gur. Zogun e Tiranës dhe lakuriqin, zogun me qafë të rrjepur të Surrelit”, shtoi ai.
“O do bëhet ky vend ose i bie të ikim. Po nuk pati ndryshim në shtator tetor edhe unë do iki. Ky të puth dorën e të mpin gjakun. Rama është frikacak se vetë ai e di fundin. Shpresoj që në shtator të dalin skandalet e përgjimet që ka bërë ky i marri i Surrelit, por ngelet për tu parë në vazhdim. Rama ka frikë për thirrjen e një proteste në shtator. Ne jemi më keq se viti 1990. Këtu është çdo gjë e kapur”, tha ish-deputeti.
