Eksperti i ekonomisë Rezart Prifti duke folur për Faxnews për situatën ekonomike në vend, tha se shteti nuk mund të ndërhyjë në ekonomi, por duhet të jetë rregullator.
Po ashtu ai shtoi se Shqipëria ka një inflacion të abuzuar, pasi e tillë është edhe rritja e çmimeve në vend.
Rezart Prifti: Kriza e popullsisë që ka muaj që po diskutohet, e dyta kriza e modelit të ri ekonomik, e treta kriza e kostove të prodhimit. E katërta është inflacioni.
Ne kemi një ekonomi që nuk u pergjigjet faktorëve makro ekonomik. Jemi në një ekonomi allasojçe. Ka një krizë të popullsië dhe burimeve njerëzore. Emigrimi i madh i Shqipërisë nga forca punëtore. Kemi ceduar edhe nga pjesa e fabrikës. Po “han dynjanë” me Bordet, po vidhet naftë, po hyn naftë kontrabandë. Nuk ndërhyn shteti në ekonomi.
E vetmja mënyrë që të dalësh nga inflacioni është të rritesh ekonomisht, si të ndihmosh bujqësinë, që lekët ti marrë fermeri dhe jo ai tipi i inceneratorit. Kemi një turizëm pa strategji.
Kemi një shtet ordiner. Ne kemi një inflacion të abuzuar sepse nuk mund të më thuash që inflacioni e ka bërë qumeshtin nga 1 mijë lekë në 2800 lekë. Ka arritur mbretëria e budallalëkut në kulm. S’mund të kesh kosto të tilla të frikshme. Nuk ka instrument shtetëror që ta kontrollojë. Shteti të bëjë rregullatorin sa i përket abuzimit.
