Prokuroria e Tiranës kërkon arrest me burg për Qani Muçën, i cili qëlloi me armë ndaj inspektorit të IMT.
Qani Muça dy ditë më parë ka qëlluar me armë zjarri dhe ka plagosur inspektorin e IMT, Ilirjan Gavelli, që mori plumb në bark.
Nga dosja hetimore mësohet se Ilirjan Gavelli ka deklaruar se e autori e ka sharë fillimisht, dhe ai ka tentuar t’i marrë armën autorit, por ky i fundit e ka qëlluar.
Ndër të tjera, 55-vjeçari i plagosur ka thënë në deklarimin e tij se autorit i vinte era alkol më momentin kur ka ndodhur përplasja.
Në momentin e arrestimit, autori Qani Muça mësohet të jetë shprehur: Këta të IMT-së duhen vrarë të gjithë sepse janë kriminelë.
Punonjësi i IMT, Ilirjan Gavelli u plagos me armë zjarri pasditën e së premtes nga 52-vjeçari Qani Muça, pasi kishte ekzekutuar një vendim për prishje objekti.
Në momentin kur ka ndodhur plagosja, autori dyshohet të ketë qenë i dehur, ndërkohë policia sekuestroi dhe armën e përdorur, tip TT. Ngjarja ndodhi më rrugën Todi Shkurti dhe ndaj autorit u ngrit akuza “Vrasja në rrethana cilësuese e mbetur në tentativë”.
