Katër të rinj të moshës 18 dhe 19 vjeç humbën jetën në orët e para të mëngjesit të sotëm në një aksident rrugor që ndodhi në Itali.
Mes viktimave ishte edhe Xhuliano Këlliçi, 19 vjeç, si dhe 3 shokët e tij italianë.Tre viktimat e tjera janë Daniel De Re, 18 vjeç, Daniel Ortolanv, 19 vjeç dhe Marco Da Re, 19 vjeç.
Ngjarja tragjike ka ndodhur në Godega di Sant’Urbano, Itali, ndërsa trupat e viktimave u nxorrën mëngjesin e sotëm nga automjeti që ishte shkatërruar totalisht.
Volkswagen Polo, ku udhëtonin 4 të rinjtë humbi kontrollin në kthesë dhe doli nga rruga.
Ishin banorët ata që lajmëruan menjëherë shërbimet e urgjencës dhe policnë, por katër të rinjtë kishin humbur jetën në vendin e ngjarjes.
Mediet italiane kanë publikuar dhe pamjet e rënda nga aksidenti. shihet se makina me të cilën ata udhëtonin është kthyer në një grumbull hekurash.
Operacionet e nxjerrjes së trupave përfunduan në agim.
