Një vajzë 25-vjeçare dyshohet se është përdhunuar në qytetin e Elbasanit në orët e vona të natës.
25-vjeçarja banuese në Dushk, Lushnje bashkë me motrën e saj janë paraqitur në urgjencën e spitalit të Elbasanit për të kërkuar asistencë mjekësore. Kanë qenë mjekët ata që kanë sinjalizuar policinë për rastin.
Policia e Elbasanit i ka marrë kallëzimin 25-vjeçares dhe po punon për identifikimin e personit.
E reja në dëshminë e saj ka treguar se ndodhej buzë rruge në aksin Elbasan-Librazhd në një lokal. Ajo pretendon se pranë lokalit është përdhunuar nga një person i paidentifikuar.
