Ish-Presidenti Ilir Meta, drejtues i Partisë së Lirisë, tha se Tirana është kthyer në kryeqytetin e pastrimit të parave të mafies.
Meta tha se kjo është arsyeja që sot kemi një rritje të çmimeve të apartamenteve në Tiranë dhe kjo është arsyeja pse çiftet e të rinjve po largohen nga Tirana, madje edhe nga Shqipëria.
“Çmimet e qerave në Tiranë janë më të larta se ato në Shkup, sikundër edhe çmimet e çdo shërbimi tjetër, përfshi edhe ushqimet, ndërsa pagat në Shkup janë shumë më të larta se ato në Tiranë.
Kjo ndodh edhe krahasuar me Prishtinën, që nga çmimet e qerave, restoranteve, shërbimeve të tjera”, tha Meta.
Ai theksoi se e gjithë kjo ka lidhje me pastrimin e parave në Tiranë nga krimi dhe mafie, por edhe nga korrupsioni i lartë që ka në kryeqytetin shqiptar.
