‘Vrasje me dashje’ është akuza që prokuroria e Vlorës ka ngritur ndaj ish-komisarit Arjan Tase i cili goditi për vdekje me skaf 7-vjeçaren ne plazhin e Potamit. Dosja e prokurorisë është dërguar në gjykatë dhe ditën e nesërme do të vendosë për masën e sigurisë. Një ditë më parë policia e kishte klasifikuar ngjarjen si ‘vrasje nga pakujdesia’, por prokuroria e ka ndryshuar veprën penale në ‘vrasje me dashje’ duke argumentuar se polici kishte patentë të mjetit të lundrimit dhe ishte në dijeni se në vendin ku ndodhi ngjarja nuk duhet të lundronte me skaf.
‘Vrasje me dashje’. Më këtë akuzë prokuroria e Vlorës do të kërkojë mase e sigurisë për ish shefin e komisariatit të Himarës, Arjan Tase i cili përplasi me skaf për vdekje 7-vjeçaren J. Avdia, në plazhin e Potamit, Himarë.
Policia një ditë e ka klasifikuar e kishte klasifikuar veprën penale që akuzohej Tase si ‘vrasje nga pakujdesia’. Burime nga organi i akuzës së qytetit bregdetar bëjnë me dije se prokuroria kërkon ndryshimin e veprës penale nga ‘vrasje nga pakujdesia’ në akuzë më të rendë, atë të ‘vrasjes me dashje’.
Këtë kërkesë Prokuroria e Vlorës e argumenton me faktin që Shefi i Policimit në Komunitet në drejtorinë e policisë Elbasan, Arjan Tase kishte patentë të mjetit ujor dhe e dinte shumë mirë rrezikun që paraqet lundrimi i këtyre mjeteve në breg të detit për qytetarët.
Prokuroria e Vlorës sipas të njëjtave burime, argumenton këtë ndryshim të veprës penale se personi që kreu krimin, i cili ka patente për mjetet lundruese i di rregullat dhe nuk duhet ti shkelte ato.
Akuzat e prokurorisë së Vlorës i janë paraqitur tashmë edhe gjykatës së Shkallës së Parë e cila nesër në orën 10:30 do të japë masën e sigurisë për Komisarin e Policisë, Arjan Tase. Ky fundit sipas kodit penal, mund të dënohet me burgim nga 10 deri në 20 vite.
Komisari i Policisë Arjan Tase më 2 gusht ka përplasur për vdekje 7-vjeçaren e cila ndodhej ne breg të detit. Në dëshminë e parë para kolegëve të tij Tase e ka rrëfyer ngjarjen dhe shpjegon se nuk ka tentuar të largohet pas saj. /Syri Tv/
