Protesta qytetare për vrasjen e vajzës 7-vjeçare në plazhin e Potamit u mbyll pas rreth 2 orësh thirrje për dorëheqje të ministrave përgjegjës dhe dënim maksimal të komisarit Arjan Tase.
Ajo çfarë ra në sy në këtë tubim paqësor të qytetarëve ishin pankartat me mbishkrime rrënqethëse që mbaheshin në duar nga nëna dhe fëmijë të moshës së Jonada Avdisë.
“Nuk mund të shkoj në det, se shtetit më vret”, ishte një nga mbishkrimet në një lum pankartash që mbaheshin në duar nga disa prej pjesëmarrësve në protestë.
Një tjetër pankartë shkruante, ‘Ne jemi këtu për ty ëngjëll’ dhe ‘A mund të luaj në breg me babin’.
