Reciprociteti zemëron serbët në Veri të Kosovës, 5 zhvillimet kryesore

• Serbët bllokojnë rrugët, ndizen sirenat e alarmit në Mitrovicën e Veriut

Serbët lokalë në veri të Kosovës kanë bllokuar me kamionë rrugën magjistrale në afërsi të pikëkalimit kufitar të Jarinjës, që gjendet në Komunën e Leposaviqit.

• Po ashtu, sipas informacioneve nga terreni, në Rudarë të Zveçanit, është vendosur një bllokadë në rrugën magjistrale Prishtinë-Rashkë. Fshati Rudarë gjendet pesë kilometra nga Mitrovica.
• Tension në Veri, forca të shumta të Njësisë Speciale zbarkojnë tek ura mbi Ibër
• Forca të shtuara të Njësisë speciale të Kosovës kanë arritur tek ura e lumit Ibër, përfshirë edhe pjesëtarë të KFOR-it dhe karabinierët italianë.

  E gjithë kjo vjen në kohën kur në veri rreth orës 16:00 janë aktivizuar sirenat për alarm.

   

  • Serbët bllokadë në Veri, mbyllen pikat e kalimit në Jarinjë dhe Bernjak
  • Policia e Kosovës ka bërë të ditur se janë mbyllur pikat kufitare në Jarinje dhe Bernjak, për shkak të bllokimit të rrugëve dhe ka bërë thirrje për qytetarët që të shfrytëzojnë pikat tjera kufitare.

    Serbët në veri kanë bllokuar disa rrugë disa orë para fillimit të masave të reciprocitetit me dokumente. KFOR-i ka dalë në terren për të vëzhguar situatën ndërsa në komunat në veri është ndezur një alarm që bën thirrje për mbledhje të qytetarëve.

  • Na presin orë e ditë sfiduese’, Kurti reagon pas tensioneve në Veri
  • Kryeministri i Kosovës Albin Kurti ka reaguar pas situatës së krijuar në Veri të Kosovës një ditë para lëshimit të dokumenteve të hyrje-daljeve në vendkalimet kufitare me Serbinë.

    Përmes një video mesazhi Kurti shprehet se ajo që po ndodh në veri me bllokime rrugësh e të shtëna armësh u planifikuan në Beograd e Rashkë nga Vuçiç dhe Petkoviç të cilët siç thotë, janë përgjegjësit kryesorë për trazirat.

    • Deputeti i Vuçiç thirrje për luftë: Duhet të fillojmë denazifikimin e BallkanitVladimir Gjukanoviç, një deputet në Asamblenë Kombëtare të Serbisë nga Partia Progresive Serbe (SNS) në pushtet, shkroi në Twitter se ai beson se Serbia mund të detyrohet të përfshihet në “denazifikimin” e Ballkanit.

      “Më duket se Serbia do të detyrohet të fillojë denazifikimin e Ballkanit. Do të doja të gaboja”, ka shkruar Gjukanoviç.