Kreu i Partisë Demokristiane, Nard Ndoka, në studion e Syri Tv komentoi situatën aktuale politike dhe zhvillimet e fundit. Ndoka tha se në kampin socialist ka panik dhe frikë për shkak të aferës korruptive të inceneratorëve.
Sa i përket protestave të planifikuara nga Berisha, Nard Ndoka tha se ka qenë skeptik për 7 korrikun pasi ishte kohë pushimesh, ndërsa shtoi se dukshëm ishte dhe një kërkesë e vetë qytetarëve.
Ai theksoi se kryeministri Edi Rama është i frikësuar nga dyshja Berisha-Meta, pasi këta të fundit sipas Ndokës nuksynojnë karrierën politike, por rikthimin e demokracisë.
“Socialistët kanë dhe një frikë nga dyshja Berisha-Meta. Kanë eksperiencë të gjatë në politikë, nuk kanë qëllim karrierën politike, dhe kjo e frikëson Ramën.
Berisha dhe Meta kanë një mision në vetëvete. Berisha ka përgjegjësi disi më specifike për faktin se është lider i opozitës.
Ka bindur edhe ndërkombëtarët, e kanë kuptuar se kanë gabuar me sulmet e tyre, që i kushton marrëdhënieve mes vendeve mike.
Protesta e 7 korriku rezultoi e jashtëzakonshme, test për qytetarët sa të gatshëm janë, e dyta se qytetarët e besojë kauzën. Kjo ishte testi dhe njësia matëse edhe për Berishën.
7 korriku tronditi themelet e Edi Ramës. Kaloi në panik, ka humbur vetëdijen, kontrollin. Sot thirri një anti-miting me administratën, shkelje e ligjit.
Kjo tregon fundin e tij. Qeveria të thërrasë me penalizim administratën për të festuar që kemi qeverinë më të korruptuar. Rama ka firmosur miliona euro për inceneratorët”, tha Ndoka.
