Gazetari dhe aktivisti i njohur Aulon Kalaja i ftuar në studion e “Fax News” ka komentuar “lëvizjen” e kryeministrit Edi Rama për të shkarkuar zv/kryeministrin Arben Ahmetaj.
Kalaja ka theksuar se shkarkimi i Ahmetaj mund të jetë një paralajmërim se ai së shpejti duke iu referuar zërave të medieve mund të përfundojë i akuzuar në SPAK për aferën e inceneratorëve.
“Ishte shkarkim i pritshëm i Ahmetaj sepse ishte një emër i lakuar për aferat e inceneratorëve. Ajo që po ndodh në PS është luftë mes dy klanesh që sigurisht që qëndrojnë në heshtje dhe në momente krizash shfaqen. Veliaj është frikësuar duke e bërë fakt të kryer që unë do të kandidoj për mandatin e tretë ndërkohë zëra thonë se kandidaturë potenciale mund të jetë Belinda Balluku.
Shkarkimi i Ahmetaj mund të na paralajmërojë për një kronikë3 tjetër ose llogaridhënie e këtij njeriu në SPAK, sepse kur u përfol afera e inceneratorëve me arrestimin e Bllakos, Ahmetaj nuk u shfaq fare u zhduk disa ditë jashtë shtetit. Sfondi i këtyre ngjarje na cojnë të mendojmë se Ahmetaj mund të dalë përballë Drejtësisë.
Nuk them i fajshëm apo i pafajshëm kjo i përket drejtësisë. Tashmë e dimë që Rama është një mjeshtër i këtyre lëvizjeve pra “përgjegjësia është e juaja” pavarësisht se ai i ka vendosur aty në qeveri. Sot pashë një fotografi në rrjet, Rama, Tahiri dhe Ahmetaj, pra vetëm njëri ka mbetur gjallë politikisht kurse dy të tjerët kanë rënë nga froni.
Përflitet që ka një aferë tek inceneratorët, në qeverinë Rama nuk ka person që nuk ka rekorde të tilla. Nëse do të kishte drejtësi eficente këta njerëz duhet të ishin nën akuzë pavarësisht se faktohen ose jo. Në demokraci perëndimore ka kryeministra nën akuzë, ky moment duhet të tejkalohet pasi Shqipëria është vendi më i korruptuar në Europë majtas dhe djathtas”, tha Kalaja.
