Në ceremoninë e marrjes së detyrës nga Bajram Begaj si President i Republikës janë ftuar 4.000 persona.
Mes të pranishëmve, do të ketë shefa shtabi të ushtrive të NATO-s, me të cilët Begaj ka bashkëpunuar kur ishte në krye të Shtabit të Përgjithshëm.
Gjithashtu mes të ftuarve do të ketë mjekë, akademikë dhe pak politikanë.
Risia e kësaj ceremonie është zhvillimi në bulevardin “Dëshmorët e Kombit” dhe jo te hyrja e godinës së Presidencës. Gjithashtu Bulevardi “vishet” me flamuj kuqezi për ceremoninë e dekretimit të Presidentit të ri Bajram Begajt.
