Ish-deputeti demokrat Klevis Balliu, përmes një postimi në rrjetet sociale, shprehet se sulmi i hakerave në portalin e-Albania dhe cënimi i sigurisë të të dhënave personale të qytetarëve, ka bërë që shqiptarët sot të jenë në mëshirën e hakerave.
“Siguria kombëtare ka rënë, bashkë me të ka rënë siguria e informacionit dhe e jetës pas marrjes së gjithë të dhënave nga hakerat në e-Albania.
Sot shqiptarët janë në mëshirë të hakerave.
SPAK duhet të ndërmarrë një hetim të plotë për tenderat e pafundme të AKSHI, të cilat qartazi janë përdorur për tu pasuruar pushtetarët dhe jo për sigurinë e informacioneve të qytetarëve”, shkruan Balliu.
Sipas tij, Qeveria duhet të japë dorëheqjen, pasi kjo qeveri është përgjegjëse dhe bashkëpuntore në këtë krim kombëtar.
“Të gjithë personat përgjegjës nga Kryeministri e deri tek zyrtarët e AKSHI-t duhet të merren nën hetim pa imunitetin e pushtetit”, shkruan ai.
