Atentati i ndodhur mbrëmjen e së Premtes në Laç ku humbi jetën Klisman Preçi dhe u plagosur Ylli Brahimi, dyshohet se ka lidhje me atentatin e Fushë-Krujës.
Një prej shënjestrave të atentatit të djeshëm, Ylli Brahimi njihej si lidhje e Ervis Martinaj.
Brahimi mbeti i plagosur dhe u transportua në spitalin e Traumës në kryeqytet.
Ylli Brahimi nuk i vetmi mik apo bashkëpunëtor i Ervis Martinajt, që ka rënë pre e atentateve.
23-vjeçari Brilant Martinaj, kushëri i Ervis Martinajt mbeti viktime e atentatit të trefishtë në Fushë-Krujë, të ndodhur rreth një javë më parë.
Po kështu, në gusht të 2019 në Tiranë, do ekzekutohej Santiago Malko. Për këtë ngjarje është dënuar Bledi Teta me 25 burg. Ndërsa në kërkim janë Leonard dhe Erlis Duka dhe disa persona te tjerë të cilët akuzohen se kishin rol në këtë organizimin dhe ekzekutimin e Malkos.
Sakaq, në 13 nentor te vitit të kaluar, po në Tiranë, do ekzekutohej Erigers Mihasi, edhe ai lidhje e ngushtë e Ervis Martinajt.
