Një grup emigrantësh shqiptarë janë përplasur me disa persona të komunitetit rom. Ngjarja ka ndodhur në Selanik të Greqisë. Mediat raportojnë se palët kanë hedhur gurë e shishe në drejtim të njëri-tjetrit.
Shkak për sherrin është bërë debati i fëmijëve të familjeve që më pas ka degraduar në përfshirjen e të rriturve, në këtë përplasje të dhunshme.
Ngjarja ka ndodhur në parkun Peristeria, dhe sipas dëshmitarëve në sherr janë përfshirë më shumë se 20 persona.
Policia u lajmërua nga banorë të lagjes e cila ka ndërhyrë menjëherë. Pas konfliktit dy persona janë dërguar me urgjencë në spital, ndërsa 4 të tjerë janë vënë në pranga.
