Kreu i Partisë Demokratike, Sali Berisha, i pyetur nga gazetarët për hapat që do të ndërmarrë pas shpalljes “non grata” nga Britania e Madhe, deklaroi se do të veprojë ashtu siç do të këshillohet nga ekspertët ligjorë.
“Do të bëj atë që do të më këshillojnë ekspertët ligjorë. Ende nuk e di. Di këtë, që vendi më i përshtatshëm për të paditur për shpifje, në raport me masën e dënimit, është Mbretëria e Bashkuar. Di edhe që Britania e Madhe është anëtare e Këshillit të Europës. Unë kaq di, hapin e tretë nuk mund ta them pa u këshilluar. Por, përveç hapave ligjorë nuk kam çfarë hapash të tjerë të ndërmarr”, u shpreh Berisha gjatë një konference për mediat.
Duke iu përgjigjur interesit të gaeztarëve, Berisha tha se në letër nuk citohej asnjë anëtar tjetër i familjes së tij.
