Analisti Enton Abilekaj deklaroi në emisionin ‘Task Force’ në Syri Tv se fjalimi i kryeministrit Edi Rama në Kuvend ishte ndërtuar mbi një hipokrizi totale.
Abilekaj deklaroi se e gjitha ishte një retorikë e shtirur nga ana e kreut të qeverisë.
“Kemi një kryeministër që kur flasim për çështje të rëndësishme kombëtare, duhet të diskutojmë me përgjegjësi.
Kemi Ballkanin e hapur, negociatat, njohjen e pavarësisë së Kosovës, cili do jetë qëndrimi ynë në këto çështje?
Në kuadrin e kontestimit të raportit të Dick Marty-t, ose kërkesës për hetim të Dick Marty-t, çfarë do bëjmë ne dhe si do sillemi ndaj faktorit serb në Ballkan?”, tha Abilekaj.
Më tej ai u shpreh se një ditë më parë kur Rama ngriti flamurin e BE, tha se do ndryshojë sjellje ndaj opozitës, por sot u mor me opozitën në favor të Serbisë.
“Dje ngriti flamurin e BE-së, tha do ndryshoj sjellje ndaj opozitës, sot çfarë bëri, u mor me opozitën në favor të Serbisë”, tha Abilekaj.
